Blog

ARS Luncheon to Benefit Individuals and Families in Need (English & Armenian)

7Over 350 ARS supporters and members attended a special luncheon hosted by the ARS Regional Executive to benefit individuals and families in need, on October 26, 2014 at the Anoush Brandview Hall, in Glendale, Calif.

After the formal introduction of guests by Talar Aintablian, ARS Social Services Assistant Director and Program Manager, who emceed the event, ARS Regional Executive Co-Chairperson Maral Matossian presented remarks on behalf of the Regional Executive. Matossian emphasized the significance of the ARS mission, the successes, and the necessity of providing assistance to those in need. Matossian also thanked all the contributors and attendees, in addition to Regional Executive and Social Services staff members. In her concluding remarks, she appealed to those present to stand in support of ARS programs, in order to help continue the humanitarian mission of the ARS.

The keynote speaker, Lieutenant General Arthur Aghabekyan, Deputy Prime Minister of Nagorno Karabakh Republic, was very well aware about the mission and programs of the ARS. He expressed his commendation and gratitude for the great care shown towards Artsakh, including  the 350 students who attend eight Sosse Kindergartens. He noted that he is leading the implementation of two programs: the Artsakh repopulation program and the creation of jobs for women in Artsakh, in particularly at at Karapakh Carpet.

Congressman Adam Schiff, of the 28th Congressional District and Glendale City Mayor Zareh Sinanyan also commended the ARS. Cong. Schiff called the ARS a lifeline to the community. Mayor Sinanyan hoped that coordinated efforts will help the homeless population.

Attendees were captivated by artworks by artists Armine Aghajanian, Seda Babajanian, Mania Badmagrian, Nelly Khachatourian, Anita Riganian and ARS member Hasmig Kledjian. Attendees also commended the unique art pieces in the silent auction designed by Naz Atikian of Le Papillon and ARS member Zharmen Mirzakhanian.

Other than the abovementioned, the guests included Glendale City Councilmember Paula Devine, Lynda Burns of the Glendale Commission on the Status of Women, Sarkis Kotanjian Armenia Fund Executive Director, Prof. Dr. Gourgen Melikyan Dean of the Faculty of Oriental Studies at Yerevan State University, Levon Filian West Coast Executive Director of the Armenian American Missionary Association, Naneh Voskanyan Yerevan Autism Organization Chairperson, representatives from the Armenian Educational Foundation, Armenian Society of Los Angeles, Homenetmen Glendale “Ararat” Chapter, New Julfa Organization, ARS Social Services, ARS Child, Youth, Family Guidance Center and ARS chapter executives.

Artists Sosi and Salpy Kerkonian, Arthur Akopian, Anoush Hagopian, and Salpy Mayelian brought forth a lively mood with their music, international, folk, and patriotic songs. Vartan and Armine Aghajanyan’s Zvartnots Dance Ensemble performed traditional Armenian dances and Nune Avedissian recited Armenian poetry. Through their performances, the artists created an electrifying and inspiring atmosphere.

***

The Armenian Relief Society of Western USA, established in 1984 and with regional headquarters in Glendale, CA, has 26 chapters and more than 1,200 members in four western states. The ARS-WUSA operates a Social Services Division and Child, Youth, and Family Guidance Center, and funds numerous youth programs, scholarships, and relief efforts. For further information, please visit www.arswestusa.org or call 818.500.1343.

 

8Աննախընթաց Յաջողութեամբ Անցաւ ՀՕՄի Շրջանային Վարչութեան Կազմակերպած Ի Նպաստ Կարիքաւոր Ընտանիքներու Ձեռնարկը

Կիրակի, 26 Հոկտեմբեր 2014ի կէսօրին, «Պրանտվիու» գեղատեսիլ սրահին մէջ, տեղի ունեցաւ ՀՕՄի Շրջանային Վարչութեան կազմակերպած իւրայատուկ ճաշկերոյթը, ի նպաստ շրջանի Կարիքաւոր Ընտանիքներուն։ Ձեռնարկի նպատակին հաւատալով, սրահ փութացած էին աւելի քան 350 ՀՕՄի բարեկամներ եւ զանազան մասնաճիւղերու անդամներ։

Սրահէն ներս ցուցադրուած էին կանացի նրբագեղ արուեստի գործեր, որոնք հիացմունքով ընկալուեցան ներկաներուն կողմէ։ Անոնք պատրաստուած էին Արմինէ Աղաճանեանի, Սեդա Պապաճանեան, Մանիա Պատմագրեանի, Նելլի Խաչատուրեանի, Անիթա Ռիկանեանի եւ ՀՕՄի անդամ Յասմիկ Գըլըճեանի կողմէ։ Ներկաները բարձր գնահատեցին նաեւ լուռ աճուրդի դրուած Նազի Աթիքեանի (Le Papillon) եւ ՀՕՄուհի Ժարմէն Միրզախանեանի գործերը, որոնցմէ իւրաքանչիւրը անգնահատելի եւ եզակի ստեղծագործութիւն մըն էր։

Ձեռնարկի հանդիսավարութիւնը ձեռնհասօրէն կատարեց ՀՕՄի Ընկերային Ծառայութեան Օգնական Տնօրէն եւ Ծրագրի Ղեկավար Դալար Այնթապլեանը, որ ձեռնարկի նպատակը բացատրելէ ետք, ներկայացուց օրուան հիւրերը, որոնց կարգին էին Քալիֆորնիոյ 28րդ ընտրատարածքի գոնկրէսական Ատըմ Շիֆ, Արցախի Հանրապետութեան փոխ-վարչապետ զօրավար Արթիւր Աղաբէկեան, Կլէնտէյլի քաղաքապետ Զարեհ Սինանեան եւ քաղաքապետական խորհուրդի անդամ Փոլա Տիվայն, Կլէնտէյլի Commission on the Status of Women-ի Լինտա Պըրնզ,  Հայաստան Համահայկական Հիմնադրամի Վարիչ Տնօրէն Սարգիս Քոթանճեան, Երեւանի Պետական համալսարանի  Արեւելագիտութեան  ամպիոնի տնօրէն ազատամարտիկ Գուրգէն Մելիքեան, Ամերիկայի Հայ Աւետարանչական Ընկերակցութեան (AMAA) արեւմտեան ափի վարիչ տնօրէն Լեւոն Ֆիլեան, Երեւանի «Աթիզմ»ի կազմակերպութեան ատենապետ Նանէ Ոսկանեան, Հայ Կրթական Հիմնարկութեան, Իրանահայ Միութեան, ՀՄԸՄի Կլէնտէյլի «Արարատ» մասնաճիւղի ներկայացուցիչներ, ՀՕՄի Ընկերային ծառայութեան գրասենեակներու, հոգեբանական կեդրոնի եւ մասնաճիւղերու անդամներ եւ այլ հիւրեր։

Օրուան պաշտօնական հիւրերու ներկայացումէն ետք, Շրջանային Վարչութեան պատգամը փոխանցեց համա-ատենապետ Մարալ Մաթոսեան, որ անդրադառնալով ՀՕՄին ծնունդ տուող դրդապատճառներուն, ընդգծեց անոր առաքելութեան կարեւորութիւնը, արձանագրած նուաճումները եւ բոլորին օգնութեան ձեռք երկարելու իրողութիւնը։ Այս բոլորի հայելին նկատելով օրուան ձեռնարկը, շնորհակալութիւն յայտնեց բոլոր անոնց որոնք օգտակար հանդիսացան անոր յաջողութեան եւ յատկապէս Շրջանային Գրասենեակի եւ Ընկերային Ծառայութեան պաշտօնէութեան։ Ապա, եզրափակելով իր պատգամը, ընկերուհին կոչ ըրաւ ներկաներուն, որ իրենց կարելիութեան սահմաններուն մէջ զօրավիգ կանգնին ՀՕՄի ծրագիրներուն, որպէսզի կարելի ըլլայ շարունակել անոր առաքելութիւնը՝ ի փառս ՀՕՄի մարդասիրական եւ հայրենասիրական ծրագիրներու իրագործման եւ վերելքին։

Սրտի իր խօսքը փոխանցեց Քալիֆորնիոյ 28րդ ընտրաշրջանի ծերակուտական Ատըմ Շիֆ, որ վեր առնելով ՀՕՄի առաքելութիւնը բարձր գնահատեց ՀՕՄի մարդասիրական գործունէութիւնը եւ շնորհակալութիւն յայտնեց անոր, որ բացառիկ ծառայութիւն կը մատուցէ բոլոր անոնց, որոնք օգնութեան կարիքը ունին։  Ան երախտագիտութիւն յայտնեց ՀՕՄին, որ շատերուն կեանքի ուղեգիծը հանդիսացած է։

Ապա, երկարաշունչ ծափողջոյններով բեմ առաջնորդուեցաւ օրուան գլխաւոր բանախօս՝ Արցախի Հանրապետութեան փոխ-վարչապետ զօրավար Արթիւր Աղաբէկեանը։ Ան լաւապէս տեղեակ ըլլալով ՀՕՄի առաքելութեան եւ իրագործած ծրագիրներուն, իր անսահման գոհունակութիւնն ու երախտագիտութիւնը յայտնեց անոր՝ իր ժողովուրդին մատուցած ծառայութիւններուն համար:

Իսկ անդրադառնալով օրուան ձեռնարկի կազմակերպման նպատակին ան հաստատեց ըսելով, թէ «Հայ Օգնութեան Միութիւնը ոչ միայն Արցախում է, ոչ միայն Հայաստանի հանրապետութիւնում է, ոչ միայն Սիրիայում եւ Լիբանանում է, կամ հոն ուր հայութիւնը դժուարութիւն ունի, այլ նաեւ այս մեծ երկրում՝ Ամերիկայի Միացեալ Նահանգներում»։

Փոխ-վարչապետը անդրադառնալով ՀՕՄի Արցախեան գործունէութեան, իր հպարտանքը յայտնեց ՀՕՄի գոյութեան եւ Արցախի Հանրապետութեան հանդէպ ցուցաբերած իր հոգածութեան համար։ Իսկ անդրադառնալով Արցախի հզօրացման ուղղուած քայլերուն, զօրավարը ընդգծեց, թէ իր պատասխանատուութեամբ նախաձեռնուած է հիմնական երկու ծրագիրներ, որոնց իրականացման համար կը վստահի նաեւ ԱՄՆի Արեւմտեան շրջանին, ներառեալ ՀՕՄին։ Ծրագիրներէն մին Արցախի վերաբնակեցման խիստ էական ծրագիրն է, իսկ երկրորդը՝ Արցախի կանանց աշխատատեղիներ ստեղծելու նախաձեռնութիւնը, որուն նախաքայլը առնուած է գորգագործութեամբ, որոնց գեղեցիկ օրինակները համատարած վիճակահանութեան դրուած գորգերն են։

Եզրակացնելով իր այնքան սրտի մօտիկ պատգամը, զօրավարը ՀՕՄի Արցախի 8 «Սօսէ» մանկապարտէզներ յաճախող 350 աշակերտներու անունով շնորհակալութիւն յայտնեց ՀՕՄին, իր հայրենանուէր  աշխատանքին համար։

Այնուհետեւ, ելոյթ ունեցաւ նաեւ Կլէնտէյլի քաղաքապետ Զարեհ Սինանեան, որ իր հերթին եւս բարձր գնահատելով ՀՕՄի ամենուրեք տարուող լայնածաւալ գործունէութիւնը, իր գոհունակութիւնը յայտնեց, որ ան տեղւոյն տնազուրկներու գծով եւս լուրջ աշխատանք կը տանի։ Պրն. քաղաքապետը սրտցաւօրէն  ընդգծեց, թէ անօթեւանութեան լուրջ հարց գոյութիւն ունի, մանաւանդ կիներու մօտ, որ ցարդ համակարգուած լուծում չէ գտած։ Ան շնորհաւորեց ՀՕՄը, որ համարձակութեամբ այս հարցի լուծումը նախաձեռնած է, որուն անհրաժեշտ է զօրակցիլ։

Ձեռնարկի վերջին բաժնով, իրենց նուագներով, միջազգային, ժողովրդային եւ ազգային երգերով մթնոլորտը խանդավառեցին ծանօթ արուեստագէտներ Սօսի եւ Սալբի Քէրքիւնեանները, Արթիւր Ակոբեանը, Անուշ Յակոբեան եւ Սալբի Մայիլեան։ Հայկական գեղեցիկ պարերով ելոյթ ունեցաւ Վարդան եւ Արմինէ Աղաճանեաններու «Զուարթնոց» պարախումբը, իսկ ասմունքով՝ Նունէ Աւետիսեանը։ Անոնք իրենց ելոյթներով ելեքտրականացած մթնոլորտ մը ստեղծեցին սրահէն ներս։

***

ՀՕՄի ԱՄՆի Արեւմտեան շրջանը հիմնուած է 1984ին, իր կեդրոնատեղին ունենալով Քալիֆորնիոյ նահանգի Կլէնտէյլ քաղաքին մէջ: Ան 26 մասնաճիւղերով մարդասիրական կազմակերպութիւն մըն է, չորս նահանգներու մէջ գործող աւելի քան 1,200 անդամներով: Շրջանի ՀՕՄը ունի Ընկերային Ծառայութեան բաժանմունքը, հոգեբանական կեդրոնը եւ կը հովանաւորէ զանազան պատանեկան-երիտասարդական ծրագիրներ, կրթանպաստներ եւ այլ նպաստներ: Մանրամասնութիւններու համար հաճեցէք այցելել ՀՕՄի www.arswestusa.org կայքէջը կամ հեռաձայնեցէք (818) 500-1343 թիւին:

Post a comment